விவசாய அமைச்சர் கௌரவ ஹரிஸ் கிளிநொச்சிக்கு விஜயம்

விவசாயம் ,கிராமப்புற பொருளாதார அலுவல்கள்,கால்நடைகள் மேம்பாடு ,நீர்ப்பாசனம் ,மீன்பிடி மற்றும் நீரியல்வள அமைச்சர் எம் ஹரிஸ் இன்று(05.01.2019)கிளிநொச்சிக்கு விஜயம் மேற்கொண்டிருந்தார்.

வெள்ள்த்தினால் பாதிக்கப்பட்ட விவசாயம் மற்றும் கால்நடைகள் குளங்கள் உள்ளிட்ட தனது அமைச்சின் கீழ் வருகின்ற விடயங்கள் தொடர்பில் ஆராய்வதற்கே அமைச்சர் எம் ஹரிஸ் தனது அமைச்சின் செயலாளர்,மற்றும் கமநல சேவைகள் திணைக்கள ஆணையாளர் நாயகம்,கமநல காப்புறுதி சபையின் பணிப்பாளர் நாயகம் உள்ளிட்ட உயரதிகாரர்கள் சகிதம் கிளிநொச்சிக்கு விஜயம் மேற்கொண்டிருந்த அவர் கிளிநொச்சி மாவட்ட செயலகத்தில் இடம்பெற்ற நிலைமைகளை ஆராயும் கூட்டத்திலும் கலந்து கொண்டார்.இதன்போது வெள்ள அனர்த்தம் காரணமாக கிளிநொச்சி மாவட்டத்தில்விவசாயம் ,கால்நடைகள்,நீர்ப்பாசனம் போன்ற துறைகளில் ஏற்பட்ட அழிவுகள் அதனால் விவசாயிகள் எதிர்நொக்கும் பிரச்சினைகள் தொடர்பில் அதிகாரிகளால் அமைச்சரின் கவனத்திற்கு கொண்டு செல்லப்பட்டது.

இதன்போது கருத்து தெரிவித்த அமைச்சர் வெள்ளம் காரணமாக பாதிக்கப்பட்டவர்களுக்கு விரைவாக நட்ட ஈடுகள் வழங்குவதற்கு நடவடிக்கை மேற்க்கொள்ளப்படும்.குறிப்பாக நெல்வயல்கள் முழுமையாக அழிந்திருந்தால் நாற்பதினாயிரம் ரூபா காப்புறுதி சபையால் வழங்கப்படும்.அதற்கான மதிப்பீடுகள் சரியாக மேற்க்கொள்ளப்பட வேண்டும்.அத்தோடு கால்நடைகள் இறந்திருந்தாலும் அதற்கான கொடுப்பனவும் வழங்கப்படும் எனத் தெரிவித்தார்