News & Events

கிளிநொச்சியில் வரட்சிப்பாதிப்பு மற்றும் நிவாரணங்களுக்கான பதிவுகள் மேற்கொள்ள நடவடிக்கை

கிளிநொச்சி மாவட்டத்தில் தற்போது நிலவிவரும் வரட்சியின் பாதிப்புகள் மற்றும் நிவாரணம் வழங்குவதற்கான பதிவுகள் மேற்கொள்ள ஆரம்பிக்குமாறு நேற்று (21.2.2017) மாவட்ட செயலகத்தில் நடைபெற்ற வரட்சி தொடர்பான கலந்துரையாடலில் அரசாங்க அதிபர் சுந்தரம் அருமைநாயகம் அவர்களினால் பணிக்கப்பட்டது.

கிளிநொச்சி மாவட்ட செயலக அனர்த்த முகாமைத்துவ பிரிவின் ஏற்பாட்டில் இடம்பெற்ற இக்கூட்டத்தில் கிளிநொச்சி மாவட்டத்தில் கடும் வரட்சியினால் பாதிக்கப்பட்ட விவசாயம் அல்லது அதனை அண்டிய தொழில்களான கால்நடை வளர்ப்பு, நன்னீர் மீன்பிடி போன்ற தொழில்களில் ஈடுபடும் மக்களுக்கான நிவாரணங்கள் வழங்கும் நோக்குடன் பாதிப்புகள் தொடர்பான பதிவுகளை மேற்கொள்ளுமாறும், இப்பதிவுகளை மேற்கொள்ள கிராம உத்தியோகத்தர்கள், அபிவிருத்தி உத்தியோகத்தர்கள், சமுர்த்தி அபிவிருத்தி உத்தியோகத்தர்கள் ஆகியோர்களை ஈடுபடுத்துவதுடன் சம்பந்தப்பட்ட திணைக்களங்களின் உதவியினை பெற்றுக்கொள்ளுமாறும் அரச அதிபரினால் கோரப்பட்டது. இக்கலந்துரையாடலில் பிரதேச செயலாளர்கள், திட்டமிடல் பணிப்பாளர், அனர்த்த முகாமைத்துவ உதவிப்பணிப்பாளர், கமநல சேவை உதவி ஆணையாளர், கடள்வள நீரியல்வள திணைக்கள உதவிப்பணிப்பாளர் மற்றும் ஏனைய திணைக்கள அதிகாரிகள் பங்குபற்றினார்கள்.


 

சிவ ஆராதனையும் பிரார்த்தனைப்பவணியும்

 

ஓம் நமசிவாய சிவ ஆராதனைபயும் பிரார்த்தனைப்பவணியும் 15.2.2017ம் திகதி கிளிநொச்சி A9 வீதியில் அமைந்துள்ள பிள்ளளையார் ஆலயத்திலிருந்து கிளிநொச்சி கந்தசாமி ஆலயம் வரை பக்திபூர்வமாக இடம்பெற்றது.

கடந்தகால அசாதாரண சூழ்நிலைகளினால் உளரீதியாக பாதிக்கப்பட்ட மக்களுக்கு மன ஆறுதல் கிடைப்பதற்காகவும், மாணவர்களின் கல்வி உயர்வுக்காகவும், இளையோர்களின் நல்லொழுக்க நல்வாழ்வுக்காகவும், பெண்கள் மற்றும் சிறார்களின் பாதுகாப்பிற்காகவும், விவசாய வியாபார பொருளாதாரம் உயர்வடையவும், அசாதாரண சூழ்நிலைகளினால் மரணித்த மக்களின் ஆத்ம சாந்திக்காகவும் இன,மத,பேதமின்றி அனைவரது நல்வாழ்வு வேண்டியும் இவ் ஆராதனைப்பிரார்த்தனை நடை பெற்றது.

கிளிநொச்சி மாவட்ட செயலகமும் யாழ்ப்பாண வீணாகான குருபீடமும் இணைந்து ஏற்பாடு செய்த இந் நிகழ்வில் கிளிநொச்சி உதவி மாவட்டச் செயலாளர் திரு.த.பிருந்தாகரன், கிளிநொச்சி வலயக்கல்விப்பணிப்பாளர் திரு.முருகவேல் மற்றும் குருபீட சிவஸ்ரீ சபா.வாசுதேவகுருக்கள் மற்றும் சிவாச்சாரியர்கள், உத்தியோகத்தர்கள், இந்து அறநெறி பாடசாலை ஆசிரியர்கள் மாணவர்கள், பக்த அடியார்கள் என ஏராளமானோர் கலந்து வேத திருமுறை பாராயணம் ,பஜனை என்பன நிகழ்த்தப்பட்டு இறுதியாக நிகழ்வில் கலந்து கொண்டோர் அனைவரும் தமது கைகளினால் சிவலிங்க பெருமானுக்கு திரு மஞ்சன அபிசேகமும் இடம்பெற்றது.

இந்நிகழ்வில் பாடசாலை மாணவர்களால் பாரம்பரிய கலாசாரத்தை பிரதிநிதித்துவப்படுத்தும் வகையில் கலைநிகழ்வுகளும் நிகழ்த்தப்பட்டன என்பதும் குறிப்பிடத்தக்கது.


 
More Articles...
Sinhala (Sri Lanka)Tamil-Sri LankaEnglish (United Kingdom)
District Secretary


Suntharam Arumainayaham

Additional District Secretary

Sivapathasuntharam Sathiyaseelan

scheduled Events
May 2017
S M T W T F S
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3