News & Events

கிளி மாவட்ட செயலகத்தினை பார்வையிட்டனர் புத்தள மாவட்ட செயலக உத்தியோகத்தர்கள்

 

கிளிநொச்சி மாவட்ட செயலக உற்பத்தி திறன் செயற்பாடுகளை புத்தள மாவட்ட செயலக உத்தியோகத்தர்கள் இன்று (23.02.2017) பார்வையிட்டுள்ளனர்.

தேசிய உற்பத்தி திறன் செயலகத்தினால் அரச அலுவலகங்கள், தனியார் நிறுவனங்கள் மற்றும் பாடசாலைகள் என பல நிறுவனங்களுக்கிடையே ஆண்டு தோறும் உற்பத்தி திறன் போட்டி நடைபெற்று வருகின்றது. இப் போட்டியில் 2015ம் ஆண்டு கிளிநொச்சி மாவட்ட செயலகம் முதன்முறையாக போட்டியிட்டு அகில இலங்கை ரீதியில் 2ம் இடத்தை பெற்றுக்கொண்டமையினையிட்டு அண்மைக்காலமாக அரச மற்றும் தனியார் நிறுவனங்கள், பாடசாலைகள் என பல அமைப்புகள் கிளிநொச்சி மாவட்ட செயலகத்தினை பா்வையிட்டு வருகின்றார்கள்.

இந்த வகையில் இன்று மாவட்ட செயலகத்தின் உற்பத்தி திறன் செயற்பாடுகள் மற்றும் பொதுமக்களுக்கு வழங்கும் வினைத்திறனுடன் கூடிய சேவைகள் என்பவற்றை பார்வையிடுவதற்காகவும், செயலக பணியாட் தொகுதியுடனான அனுபவ பகிர்வினை மேற்கொள்ளும் பொருட்டும்  புத்தள மாவட்ட அரசாங்க அதிபர் திரு.என்.எச்.எம் சித்தராநந்த அவர்களது தலைமையில் 40ற்கும் மேற்பட்ட உத்தியோகத்தர்கள் கிளிநொச்சி மாவட்ட செயலகத்திற்கு விஜயமொன்றினை மேற்கொண்டு அலுவலக உற்பத்தி திறன் செயற்பாடுகளை பார்வையிட்டதுடன் அலுவலர்களுடன் கலந்துரையாடி அனுபவங்களையும் பெற்றுக்கொண்டனர். மேற்படி உற்பத்தி திறன் போட்டியில் அதே ஆண்டில் புத்தள மாவட்ட செயலகம் 3ம் இடத்தினை பெற்றக்கொண்டமை குறிப்பிடத்தக்கது.



 

கிளிநொச்சியில் வரட்சிப்பாதிப்பு மற்றும் நிவாரணங்களுக்கான பதிவுகள் மேற்கொள்ள நடவடிக்கை

கிளிநொச்சி மாவட்டத்தில் தற்போது நிலவிவரும் வரட்சியின் பாதிப்புகள் மற்றும் நிவாரணம் வழங்குவதற்கான பதிவுகள் மேற்கொள்ள ஆரம்பிக்குமாறு நேற்று (21.2.2017) மாவட்ட செயலகத்தில் நடைபெற்ற வரட்சி தொடர்பான கலந்துரையாடலில் அரசாங்க அதிபர் சுந்தரம் அருமைநாயகம் அவர்களினால் பணிக்கப்பட்டது.

கிளிநொச்சி மாவட்ட செயலக அனர்த்த முகாமைத்துவ பிரிவின் ஏற்பாட்டில் இடம்பெற்ற இக்கூட்டத்தில் கிளிநொச்சி மாவட்டத்தில் கடும் வரட்சியினால் பாதிக்கப்பட்ட விவசாயம் அல்லது அதனை அண்டிய தொழில்களான கால்நடை வளர்ப்பு, நன்னீர் மீன்பிடி போன்ற தொழில்களில் ஈடுபடும் மக்களுக்கான நிவாரணங்கள் வழங்கும் நோக்குடன் பாதிப்புகள் தொடர்பான பதிவுகளை மேற்கொள்ளுமாறும், இப்பதிவுகளை மேற்கொள்ள கிராம உத்தியோகத்தர்கள், அபிவிருத்தி உத்தியோகத்தர்கள், சமுர்த்தி அபிவிருத்தி உத்தியோகத்தர்கள் ஆகியோர்களை ஈடுபடுத்துவதுடன் சம்பந்தப்பட்ட திணைக்களங்களின் உதவியினை பெற்றுக்கொள்ளுமாறும் அரச அதிபரினால் கோரப்பட்டது. இக்கலந்துரையாடலில் பிரதேச செயலாளர்கள், திட்டமிடல் பணிப்பாளர், அனர்த்த முகாமைத்துவ உதவிப்பணிப்பாளர், கமநல சேவை உதவி ஆணையாளர், கடள்வள நீரியல்வள திணைக்கள உதவிப்பணிப்பாளர் மற்றும் ஏனைய திணைக்கள அதிகாரிகள் பங்குபற்றினார்கள்.


 
More Articles...
Sinhala (Sri Lanka)Tamil-Sri LankaEnglish (United Kingdom)
District Secretary


Suntharam Arumainayaham

Additional District Secretary

Sivapathasuntharam Sathiyaseelan

scheduled Events
July 2017
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5