News & Events

புதிய அரசியல் யாப்பு தயாரித்தல் தொடர்பாக அரச உத்தியோகத்தர்களுக்கு விழிப்புணர்வூட்டும் செயலமர்வு கிளிநொச்சியில் நடைபெற்றது

புதிய அரசியல் அமைப்பினைத் தயாரித்தல் தொடர்பாக கிளிநொச்சி மாவட்டத்தில் உள்ள அரசாங்க உத்த்யோகத்தர்களுக்கு அறிவூட்டும் கருத்தரங்கு நேற்று (2017.03.07)  கிளிநொச்சி கூட்டுறவு மண்டபத்தில் அரசாங்க அதிபர் திரு சுந்தரம் அருமைநாயகம் அவர்களின் தலைமையில் நடைபெற்றது.

புதிய அரசியல் அமைப்பினைத் தயாரித்தல் தொடர்பாக பொதுமக்களுக்கு அறிவூட்டும் நிகழ்ச்சித்திட்டத்திற்கான ஒருங்கிணைப்பாளர் அலுவலகத்தினால் ஒவ்வொரு மாவட்டத்திலும்,   பிரதேச செயலாளர்கள் உள்ளிட்ட மாவட்டத்தில் கடமைபுரியும் சுமார் 500 அரசாங்க உத்தியோகத்தர்களை அறிவூட்டும் வேலைத்திட்டம் நாடளாவிய ரீதியில் நடைமுறைப்படுத்தப்படுத்தப்பட்டு வருகின்றது.

அந்த வகையில் இன்று நடைபெற்ற கிளிநொச்சி மாவட்ட பயிலரங்கில் அரசியல் அமைப்புச் சீர்திருத்தம் தொடர்பான கருத்தறியும் குழுவின் செயலாளர் திரு வின்சன் பத்திராஜ, குழுவின் உறுப்பினர் திரு சந்திரகாசன் இளங்கோவன் மற்றும் யாழ் பல்கலைக் கழகத்தின் சட்டத்துறை விரிவுரையாளர் திருமதி கோசலை மதன் ஆகியோர் வளவாளர்களாக கலந்துகொண்டு அரசியல் யாப்பு உருவாக்கம் தொடர்பாக விளக்கமளித்தனர். இதன் போது கலந்து கொண்ட உத்தியோகத்தர்களால்  அரசியல் அமைப்புத் தொடர்பாக வினவப்பட்ட கேள்விகளுக்கும் பதிலளிக்கப்பட்டது. இந் நிகழ்வில் பிரதேச செயலாளர்கள்,  மாவட்டச் செயலக, பிரதேச செயலக உத்தியோகத்தர்கள், கிராம உத்தியோகத்தர்கள், அபிவிருத்தி உத்தியோகத்தர்கள், சமுர்த்தி உத்தியோகத்தர்கள்   மற்றும் கிளிநொச்சி மாவட்டத்தில் உள்ள அரச  திணைக்களங்களின்  உத்தியோகத்தர்கள் என 500க்கு மேற்பட்டோர் கலந்து கொண்டனர்.

 

பயிர்ச்செய்கைக்கூட்டம்

கிளிநொச்சி மாவட்ட பிரமந்தனாறுகுளம் மற்றும் கனகாம்பிகைக்குள பயிர்ச்செய்கைக்கூட்டம் 28.02.2017 அன்று  மற்றும் கனகாம்பிகை குள பொதுநோக்கு மண்டபங்களில் இடம்பெற்றது.

கிளிநொச்சி மாவட்ட அரசாங்க அதிபர் திரு.சுந்தரம் அருமைநாயகம் அவர்களது தலைமையில் பிரமந்தனாறு பொதுநோக்கு மண்டபத்தில் காலை 10.00மணியளவில் இடம்பெற்ற பிரமந்தனாறுகுள பயிர்ச்செய்கை தொடர்பான கூட்டத்தில் குள நீர்மட்டமானது 8”4” ஆக உள்ளதாகவும் எனவே 450 ஏக்கரில் உப உணவுப்பயிர்களான பயறு, நிலக்கடலை, கௌப்பி, எள்ளு போன்றவற்றை பயிரிடலாம் என தீர்மானிக்கப்பட்டது. நீர்விநியோகமானது 15.3.2017 இல் ஆரம்பிக்கப்பட்டு 15.06.2017இல் அல்லது குளத்தின் நீர்மட்டமானது 3“ வரும் வரை இடம்பெறும் எனவும், உபஉணவு பயிர் தவிர்ந்த பயிர்களுக்கு நீர்ப்பாசனம் பயன்படுத்தப்பட்டால் அவர்களுக்கான நீர் விநியோகம் ரத்து செய்யப்படும், கால்நடைகளை கட்டுப்படுத்தும் செயற்பாடுகள் 15.3.2017 இல் இருந்து 5.10.2017 வரை நடைமுறையிலிருக்கும் எனவும் தீர்மானிக்கப்பட்டது. இக்கூட்டத்தில் மாவட்ட விவசாயப்பணிப்பாளர், கண்டாவளை பிரதேச செயலாளர், நீர்ப்பாசன பொறியியலாளர், பிரதிப்பணிப்பணிப்பாளர்- விவசாயதிணைக்களம்(விதைகள்), விவசாய காப்புறுதி திணைக்கள உதவிப்பணிப்பாளர் மற்றும் கமக்கார அமைப்புகளின் பிரதிநிதிகள் என பலர் கலந்து கொண்டனர்.

கனகாம்பிகைகுள பயிர்ச்செய்கைக்கூட்டமானது கனகாம்பிகை குள பொதுநோக்கு மண்டபத்தில் 02.00மணியளவில் இடம்பெற்றது. இக்கூட்டத்தில் கனகாம்பிகைகுள  நீர்மட்டமானது தற்போது 9”5” ஆக உள்ளதாகவும் எனவே 260 ஏக்கரில் உப உணவுப்பயிர்களை பயிரிடலாம் என தீர்மானிக்கப்பட்டது. நீர்விநியோகமானது 12.3.2017 இல் ஆரம்பிக்கப்பட்டு 30.09.2017இல் அல்லது குளத்தின் நீர்மட்டமானது 3“ வரும் வரை இடம்பெறும் எனவும்,கால்நடைகளை கட்டுப்படுத்தும் செயற்பாடுகள் 15.3.2017 இல் இருந்து 5.10.2017 வரை நடைமுறையிலிருக்கும் எனவும் தீர்மானிக்கப்பட்டது.இக்கூட்டத்தில் கரைச்சி பிரதேச செயலாளர், திட்டமிடல் பணிப்பாளர், மாவட்ட விவசாயப்பணிப்பாளர், நீர்ப்பாசன பொறியியலாளர், பிரதிப்பணிப்பணிப்பாளர்- விவசாயதிணைக்களம்(விதைகள்), விவசாய காப்புறுதி திணைக்கள உதவிப்பணிப்பாளர் மற்றும் கமக்கார அமைப்புகளின் பிரதிநிதிகள் என பலர் கலந்து கொண்டனர்.

 
More Articles...
Sinhala (Sri Lanka)Tamil-Sri Lanka
District Secretary


Suntharam Arumainayaham