கிளிநொச்சி மாவட்டத்தில் பச்சிலைப்பள்ளி பிரதேச செயலக பிரிவிற்குட்பட்ட பேராலை எனும் கிராமத்தில் மாவட்ட அரச அதிபர் திரு.சுந்தரம் அருமைநாயகம் தலைமையில் 29.04.2017 அன்று சித்திரைப்புத்தாண்டு நிகழ்வு இடம்பெற்றது.

உள்நாட்டு அலுவல்கள் அமைச்சின் ஏற்பாட்டில் கிளிநொச்சி மாவட்ட செயலகமும் கிளிநொச்சி மாவட்ட பிரதேச செயலகங்களும் இணைந்து உத்தியோகத்தர்களுக்காக ஏற்பாடு செய்யப்பட்ட இந்நிகழ்வில் விளையாட்டு நிகழ்வுகள், கலைநிகழ்வுகள் என்பன நடைபெற்றன. இந்நிகழ்வில் மாவட்ட மற்றும் பிரதேச செயலகங்களில் கடமையாற்றும் 600க்கும் மேற்பட்ட உத்தியோகத்தர்கள் பங்குபற்றியமை சிறப்பம்சமாகும்.

காணிப்பிணக்குகளை தீர்ப்பதற்கான நடமாடும் சேவை

”நிலமெகவர” ஜனாதிபதியின் மக்கள் சேவையின் தேசிய திட்டத்திற்கு அமைவாக காணி அமைச்சும்,காணி ஆணையாளர் நாயகத்தின் திணைக்களமும் இணைந்து ஏற்பாடு செய்யப்பட்ட கரைச்சி பிரதேசத்திற்குற்பட்ட  காணிப்பிணக்குகளைத் தீர்ப்பதற்கான நடமாடும் சேவை கரைச்சி பிரதேச செயலகத்தில் இன்று(24.04.2017) கிளிநொச்சி மாவட்ட அரசாங்க அதிபர் திரு சுந்தரம் அருமைநாயகம் அவர்களது தலைமையில் இடம்பெற்றது. இந்நடமாடும் சேவையில் கரைச்சி பிரதேசத்திற்குட்பட்ட 60 வரையான காணிப்பிரச்சினைகள் ஆராயப்பட்டன.

கண்டாவளை, பளை, பூநகரி  ஆகிய பிரதேச பிரிவுகளுக்குரிய இந் நடமாடும் சேவை நாளையதினம்(25.04.2017) கண்டாவளை, பளை, பூநகரி  ஆகிய பிரதேச செயலகங்களில் இடம்பெறும் என்பதும் குறிப்பிடத்தக்கது.